Обештетување за откажан лет

Откажување на лет – нешто што никој не го сака и дефинитивно не очекуваме да ни се случи. Ако имаме среќа, можеби ќе се најде добра книга или омилена серија за да не ни биде досадно додека чекаме. Но, во повеќето случаи, мора да најдеме решение таму, на аеродромот. Ретко кога сме информирани однапред за откажувањето. Добрата вест е дека патниците имаат права во вакви ситуации, па затоа е важно да ги знаеш. Повеќе за тоа ќе најдеш подолу:

Што значи откажување на лет?

Откажување на лет значи дека авио-компанијата воопшто нема да го реализира одредениот лет. За разлика од доцнење, каде летот се извршува под ист број но надвор од планираното време, откажан лет ќе се реализира под друг број, во подоцнежен термин.

Зошто се откажуваат летови?

Авио-индустријата е толку комплексна што нема едноставен одговор. Причините можат да бидат многу – од технички проблеми со авионот, удари од птици, па сѐ до силни ветрови. Како патници, мораме да разбереме дека некогаш летовите не се реализираат поради ризични временски услови. Тоа не зависи од авиокомпанијата, а најчесто се прави заради безбедноста на патниците, екипажот и авионот. Но, што ако летот е откажан од технички, комерцијални или други причини кои се во целосна надлежност на авиокомпанијата? Тогаш е време да ги знаеш своите права и да ги искористиш во твоја корист. Подолу ќе најдеш едноставна листа со примери – користи ја ако некогаш заглавиш на аеродром или едноставно поднеси барање преку troubleflight.com и ние ќе завршиме работа.

Без разлика на причината за откажување, ако авиокомпанијата те извести барем 14 дена пред поаѓањето, нема да ти исплати компензација. Ако те извести во период пократок од 14 дена пред летот, имаш право да побараш компензација. Износот зависи од растојанието на летот и времето на пристигнување на новиот лет.

Кои регулативи важат и што покриваат?

Најпозната е регулативата EC261/2004 (PDF). Оваа регулатива е создадена за да ги заштити патниците погодени од нарушувања во летот, под одредени услови.

1. Лет во ЕУ, без оглед на националноста на авиокомпанијата
   Пример: Од Мадрид до Амстердам со EasyJet
2. Од земја надвор од ЕУ до ЕУ со европска авиокомпанија
   Пример: Од Москва до Париз со AirFrance
3. Од ЕУ до земја надвор од ЕУ со неевропска авиокомпанија
   Пример: Од Рим до Њујорк со American Airlines
4. Ако летот е од земја надвор од ЕУ до ЕУ со неевропска авиокомпанија - Нема
   Обештетување
   Пример: Од Белград до Атина со AirSerbia

Земјите надвор од Европа имаат различни регулативи за домашни летови или воопшто немаат такви правила.

Русија: Патниците можат да побараат 25 рубљи (0.30 евра) по час задоцнување и право на грижа.

САД: Нема јасна регулатива за доцнења и откажувања. Секоја авиокомпанија ги поставува своите интерни политики и процедури. Правилата се наведени во условите на превоз.

Индија: Во Индија авиокомпаниите мора да ги информираат патниците барем 24 часа пред летот и да понудат алтернативен лет. Доколку не го сторат тоа, авиокомпанијата е должна да исплати обештетување до 10.000 индиски рупии (114 евра).

Право на грижа

Запомнете, ако летот ви биде откажан, според EC261/2004 имате право на грижа. Тоа значи дека ако останете заглавени на аеродром над 2 часа, авиокомпанијата треба да ви обезбеди средства за комуникација (2 СМС или 2 е-пораки), бесплатен оброк, бесплатен пијалок, а ако откажувањето ви го наруши ноќниот одмор, и бесплатно сместување.

Се надеваме дека не ви беше премногу информации, а има уште детали што не ги наведовме. Ако резервиравте лет кој беше откажан или задоцнет, препуштете ни го случајот и ќе ви ја исплатиме компензацијата откако ќе ја добиеме од авиокомпанијата. Барањата се прифаќаат до 3 години од датумот на патувањето.