Компензација за одбиен влез на лет

Сигурно барем еднаш си стигнал на аеродром последен момент и се прашуваш дали ќе стигнеш на летот. Ако имаш само рачен багаж и си направил online check-in, тргни брзо кон гејтот – можеби ќе успееш да се качиш!

Што ако треба да се чекираш или да оставиш багаж? Е, тогаш веќе влегуваш во класичната ситуација кога ти велат „за жал, премногу доцна дојдовте“. Аеродромските процедури не се толку флексибилни како автобус или воз. Секој авион има доделени временски термини за полетување и слетување. Ако check-in затвори, нема отворање назад. Ако boarding заврши и гејтот се затвори – играта е готова.

Кога нема да ти дозволат да се качиш:

1. Ако си задоцнил на check-in (веќе е затворено)
2. Ако не си стигнал на време на гејт за boarding (веќе е завршено и гејтот е затворен)
3. Ако немаш валидни документи за патување (истечен пасош, нема виза, билет за погрешен датум и сл.)
4. Ако претставуваш здравствен ризик за другите патници или опасност по безбедноста на летот
5. Ако летот е пребукиран и немаш седиште
6. Ако авиокомпанијата промени авион по комерцијални причини и нема доволно места

Во првите 4 случаи не можеш да бараш компензација. Но, во случај 5 и 6 можеш да побараш надомест од авиокомпанијата. Секако, секоја ситуација е уникатна, а понекогаш boarding е одбиен и поради грешки на аеродромскиот персонал, недоразбирања и слично. Бидејќи секој случај бара внимание, можеш да се бориш за своите права сам или да ни го препуштиш тоа нам и да си ги избегнеш главоболките!